kvi.annáll.is

Í dag var Guðrún Ólafsdóttir á Efra Lóni á Langanesi borin til moldar. Hún var komin yfir nírætt, en hún geymdi samt í sér alla tíð einhvern dularfullan æskubjarma. Hún var listamaður. Ég þjónaði Sauðanesi í forföllum 1975-1977. Hún var organistinn minn. Organistar eru oftast nánustu samstarfsmenn prestanna. Við Guðrún messuðum aldrei saman eftir að ég fór frá Raufarhöfn 1977. Samt var hún alltaf organistinn minn. Áfram…

Í svörum mínum við spurningum Guðmundar Pálssonar læknis hér að neðan tókst mér að rugla röð spurninga, týna einni spurningu og sleppa því tvisvar að nefna mikilvæga aðkomu kirkjuþings sem fer að sjálfsögðu með æðsta vald í málefnum þjóðkirkjunnar. Allt er þetta mjög bagalegt og bið ég góðfúsan lesara að virða mér til vorkunnar, þó afsökun hafi ég enga. En nú er sem sagt röðin rétt, öllum spurningum  svarað og vonandi engu gleymt. Hinsvegar má gjarna spyrja nánar um einstök atriði þegar lesarinn telur svörin ófullnægjandi.

Ég byrjaði að skrifa hér á annálinn í júni 2002. Nú hafa orðið þau vatnaskil í blogglífi mínu til tæplega  tíu ára, að ég hef opnað sjálfstæða vefsíðu sem finna má á þessari slóð. Vettvangur annálsins verður því hvíldur um sinn.

Guðmundur Pálsson hefur beint þrjátíu og þrem spurningum til okkar sem höfum gefið kost á okkur í kjöri til biskups Íslands. Hér eru mín svör:

Áfram…

Nokkur orð í einlægni um það hversvegna ég gef kost á mér í kjöri næsta biskups Íslands.

Áfram…

Vígslubiskupsembættið er fyrst og fremst prestsembætti. Það er sannarlega sérstakt prestsembætti að því leyti að starfssvæðið er ekki einn söfnuður eða eitt prestakall heldur heilt stifti með mörgum prestum og söfnuðum. Áfram…

Samkvæmt gildandi lögum er Ísland eitt biskupsdæmi. Þegar biskupsdæmið er eitt, með einn biskup Íslands, sem hefur sér til aðstoðar prófasta sem  samkvæmt lögum er falið að hafa almenna tilsjón með kirkjulegu starfi í umboði biskups, þá hlýtur að vakna sú spurning hvort nokkur þörf sé á því að hafa tvo vígslubiskupa. Áfram…

Spyrja má : Eru ekki prófastar tengiliðir milli biskups og presta?  Og, eru ekki prestarnir hver á sínum stað ábyrgir fyrir nærþjónustunni? Áfram…

Bréf til þeirra sem eru á kjörskrá í vígslubiskupskjöri er farið í póst. Það fjallar um áhersluatriðin þrjú sem ég nefndi í fyrsta bréfi mínu. Þar er fyrst fjallað um Skálholt. Í bréfinu er þess getið að ég muni hér á annálnum gera nánari gein fyrir því sem bréfið fjallar um. Hér er fyrsti hluti Skálholtskafla bréfsins. Áfram…

Í gær og dag fóru af stað bréf til þeira sem kosið geta næsta vígslubiskup í Skálholti.  Hér er myndbrot  sem kemur inn á hugmyndir mínar um hlutverk og verkefni vígslubiskups.

Í  dag, mánudaginn 28.febrúar var haldinn fundur í Strandbergi Hafnarfjarðarkirkju á vegum stjórnar Prestafélags Íslands, með þeim fimm sem gefið hafa kost á sér í vígslubiskupskjöri. Stjórnin sendi okkur eftirfarandi spurningar og bað okkur að svara þeim á tíu mínútum: Hverjar eru þínar guðfræðilegu áherslur ? Hyggstu breyta einhverju, ef já, hverju ? Hvað hugsarðu þér að sitja lengi og hyggst þú sitja Skálholtsstað? Hvert er hlutverk vígslubiskups að þínu mati?

Áfram…

Í dag var borin til moldar í Grenivíkurkirkjugarði Arnbjörg Halldórsdóttir í Réttarholti. Sóknarpresturinn var að samfagna konu sinni, sem útskrifaðist guðfræðingur í dag frá Háskóla Íslands, og ég hljóp í skarðið fyrir hann. Áfram…

Predikun á sunnudeginum septuaginta eða 1.sunnudegi í níuviknaföstu 20.febrúar 2011 í Langholtskirkju kl. 11  og Bústaðakirkju kl. 14. Áfram…

Við það að gefa kost á sér í kjöri til vígslubiskups í Skálholti vakna spurningar sem maður verður að svara bæði sjálfum sér og öðrum. Ætlunin er að nota þennan vettvang til þess að birta spurningar og svör. Áfram…

Þýska ljóskáldið Eduard Mörike (1804 – 1875 ) heillaðist svo af málverki eftir ítalska málarann  Francesco Albani (1578-1660) sem sýnir Jesúbarnið sofandi á trégólfi, að hann gerði ljóðið Schlafendes Jesuskind, og lét fylgja í titli ljóðsins: málað af Francesco Albani. Áfram…